Við því er ekkert að gera.

Reglan um hlutfallslegan stöðugleika og söguleg fiskveiðiréttindi er einn af hornsteinum sjávarútvegsstefnu ESB.

Stutta samantekt um sjávarútvegsstefnu ESB og hagsmuni Íslands má lesa á vefnum http://www.kannski.is

http://www.kannski.is/answer.php?id=78

Þá vaknar sú spurning, hvort það sé meðvitað verið að blekkja Íslendinga með þeirri fullyrðingu hans, “að reglan um “hlutfallslegan stöðugleika” tryggði að aflaheimildum við Ísland yrði úthlutað til Íslendinga og annarra ekki.” – Undirstrikum hér “TRYGGÐI”!

Hvaða trygging er í slíkri “reglu” (principle) fólgin, sem ráðherraráðið í Brussel getur breytt eða aflagt, þegar því sýnist? Þið þrætið naumast fyrir þá staðreynd, að nú þegar, fyrir fáeinum misserum, hafa slíkar hugmyndir verið settar fram af ESB-mönnum. Gömlu nýlenduveldin Bretland, Frakkland, Þýzkaland og Spánn, sem öll stunduðu hér veiðar, fá 53,64% atkvæðavægi í hinu volduga ráðherraráði ESB í Brussel frá 2014 (sbr. hér: Haraldur Hansson: ‘Ísland svipt sjálfsforræði’ = http://maeglika.blog.is/blog/maeglika/entry/977585/ ). Þau ásamt öðrum ríkjum þar geta umsnúið þessari “reglu” að eigin vild, og atkvæðavægi Íslands (0,06%) dygði okkur skammt til varna! – ef við þá fengjum að njóta atkvæðaréttarins, því að er það ekki svo, að leiðtogar voldugustu ESB-ríkjanna, Angela Merkel og Nicolas Sarkozy, hafa nýlega lagt það til, að aðildarríki, sem komin séu í skömm með sín fjárlög, ættu að missa sinn atkvæðisrétt í ráðherraráðinu á meðan? – Og hver er afstaða YKKAR til þeirrar tillögu?!

Það getur aldrei verið “viðunandi lausn” fyrir neina Íslendinga að láta leggja okkur inn í stórríki, sem 1) tekur sér æðsta vald yfir frumatvinnuvegum og hinni gríðarstóru, 753.000 fkm fiskveiðilögsögu okkar og 2) krefst m.a. af okkur æðstu löggjafarréttinda yfir þessu landi, þessari þjóð. Sbr. hér: ‘Réttinda-afsalið sem yfirlýst og staðfest yrði með aðildarsamningi (accession treaty) við Evrópubandalagið’ = http://jonvalurjensson.blog.is/blog/jonvalurjensson/entry/878892/